拉丁语/第 3 课 - 翻译

拉丁语
简介	1 • 2
第 1 章	1 • 2 • 3 • 4 • 5 • 6
第 2 章	1 • 2 • 3 • 4 • 5 • 6 • 7 • 8
第 3 章	1 • 2 • 3 • 4 • 5 • 6 • 7 • 8
第 4 章	1 • 2 • 3 • 4 • 5 • 6 • 7 • 8 • 9 • 10
第 5 章	1 • 2 • 3 • 4 • 5 • 6 • 7 • 8 • 9

为了您的乐趣，我为您呈现了卡图卢斯诗歌选集。

翻译技巧：待定。

Exercise 1

Skill: Reading Latin poetry

I

Cui dono lepidum novum libellum
arido modo pumice expolitum?
Corneli, tibi : namque tu solebas
meas esse aliquid putare nugas,
iam tum cum ausus es unus Italorum
omne aevum tribus explicare chartis
doctis, Juppiter, et laboriosis.
quare habe tibi quicquid hoc libelli,
qualecumque, quod, o patrona virgo,
plus uno maneat perenne seclo.

Exercise 2

Skill: Reading Latin poetry

V

Vivamus, mea Lesbia, atque amemus
rumoresque senum severiorum
omnes unius aestimemus assis.
soles occidere et redire possunt.
nobis, cum semel occidit brevis lux
nox est perpetua una dormienda.
da mi basia mille, deinde centum,
dein mille altera, dein secunda centum
deinde usque altera mille, deinde centum;
dein, cum milia multa fecerimus
conturbabimus illa, ne sciamus,
aut nequis malus invidere possit,
cum tantum sciat esse basiorum.

Exercise 3

Skill: Reading Latin poetry

XVI

Pedicabo ego vos et irrumabo,
Aureli pathice et cinaede Furi,
qui me ex versiculis meis putastis,
quod sunt molliculi, parum pudicum,
nam castum esse decet pium poetam
ipsum, versiculos nihil necessest.
qui tum denique habent salem ac leporem.
si sunt molliculi ac parum pudici
et quod pruriat incitare possunt,
non dico pueris, sed hi s pilosis,
qui duros nequeunt moveere lumbos.
vos, quod milia multa basiorum
legistis, male me marem putatis?
pedicabo ego vos et irrumabo.

Exercise 4

Skill: Reading Latin poetry

XCVII

Non (ita me di ament) quicquam referre putavi,
utrumne os an culum olgacerem Aemilio.
nilo mundius hoc, niloque immundior ille,
verum etiam culus mundior et melior,
nam sine dentibus est: os dentis sesquipedalis,
gingivas, vero ploxeni habet veteris,
praeterea rictum qualem diffissus in aestu
meientis mulae cunnus habere solet.
hic futuit multas et se facit esse venustum,
et non pistrino traditur atque asino?
quem siqua attingit, non illam posse putemus
aegroti culum lingere carnificis?